Monthly Archives: ខែសីហា 2013

ព្រះមហាឧទ្ទេសកចេតិយ ភ្នំប្រុស


phnom bros 1

ព្រះមហាឧទ្ទេសកចេតិយ

ព្រះមហាឧទ្ទេសកចេតិយ ភ្នំ​ប្រុស ស្ថិត​នៅ​លើ​ភ្នំ​ប្រុស ខាង​ក្រោយ​ព្រះវិហារ​ធំ ។ តាម​អក្សរ​ដែល​ចារឹក​នៅ​លើ​ព្រះ​មហា​ចេតិយ​នេះ​បាន​បញ្ជាក់​ថា ៖

ព្រះមហាឧទេ្ទសកចេតិយ

ត្រូវ​បាន​កសាង​ឡើង​វិញ​ដោយ​ ឯកឧត្ដម មុត ខៀវ និង​លោក​ជំទាវ អឿន សារ៉ន នៅ​ថ្ងៃ​ព្រហស្បតិ៍ ១៥ កើត ខែ​មាឃ ឆ្នាំ​រោង ទោស័ក ពុទ្ធសករាជ ២៥៤៤ ត្រូវ​នឹង​ថ្ងៃ​ទី ៨ ខែ​កុម្ភៈ​ឆ្នាំ ២០០១ ដើម្បី​ឧទ្ទិសចំពោះ​​អង្គ​ព្រះ​សម្មាសម្ពុទ្ធ ព្រះបរមគ្រូ​នៃ​យើង និង​ព្រះ​ពុទ្ធសាសនា ។

ប្រវត្តិ​ព្រះ​មហា​ឧទ្ទេសក​ចេតិយ

ត្រូវ​បាន​កសាង​ឡើង​ដោយ ព្រះ​តេជគុណ​ព្រះ​នាម កែវ សូរ្យ ព្រះ​គ្រូ​ចៅអធិការ​ទី ១ វត្ត​សុវណ្ណ​គិរី​រតនៈ​ ភ្នំ​ប្រុស នៅ​ថ្ងៃ​ចន្ទ ៦ កើត ខែ​មិគសិរ ឆ្នាំ​មមី សំរឹទ្ធិ​ស័ក ពុទ្ធសករាជ ២៤៦២ ត្រូវ​នឹង​ថ្ងៃ​ទី ០៩ ខែ​ធ្នូ ឆ្នាំ ១៩១៨ ដើម្បី​ឧទ្ទិសចំពោះ​​អង្គ​ព្រះ​សម្មាសម្ពុទ្ធ ព្រះ​បរមគ្រូ​នៃ​យើង និង​ព្រះ​ពុទ្ធសាសនា ។ ព្រះ​មហា​ឧទ្ទេសក​​ចេតិយ​នេះ ត្រូវ​បាន​បំផ្លាញ​ចោល​​ទាំង​ស្រុង នៅ​ថ្ងៃ​អង្គារ ៨ រោគ ខែ​ពិសាខ ឆ្នាំ​ម្សាញ់ នព្វស័ក ពុទ្ធសករាជ ២៥២១ ត្រូវ​នឹង​ថ្ងៃ ១០ ខែ​ឧសភា ឆ្នាំ ១៩៧៧ វេលា​ម៉ោង ១៤ រសៀល ដោយ​បន​ប្រល័យ​ពូជសាសន៍ នៃ​របប​កម្ពុជា​ប្រជាធិបតេយ្យ ។

Categories: រឿង​រ៉ាវ​អំពី​ខែត្រ​កំពង់ចាម | ពាក្យ​គន្លឹះ៖ , , , | បញ្ចេញមតិ

ទឹកទន្លេមេគង្គឡើងខ្លាំង


ប៉ុន្មាន​ថ្ងៃ​នេះ​​ដោយ​សារ​ទទួល​ឥទ្ធិពល​ពី​ខ្យល់​ព្យុះ​នៅ​ប្រទេសជិតខាង បណ្ដាល​ឲ្យ​ភ្លៀង​ធ្លាក់​ជា​រៀង​រាល់​ថ្ងៃ ទើប​ទឹក​ទន្លេ​មេគង្គ​​បាន​ឡើង​យ៉ាង​ខ្លាំង ។ មួយ​រយៈ​នេះ មាន​ភ្លៀង​តិច ឬ​ច្រើន​​រៀង​រាល់​ល្ងាច ។

ម្សិល​មិញ​ក្រោយ​ពី​ភ្លៀង​រាំង​ ខ្ញុំ​បាន​ជិះ​ម៉ូតូ​ដើរ​លេង​ផង និង​រក​មើល​ថត​រូប​ផង ។ ជិះ​ទៅ​ដល់​មុខ​វត្ត​ជ្រោយ​ថ្ម ឃើញ​គេ​បេះ​ត្រី​ចេញ​ពី​សំណាញ់​ក្រោយ​ពី​នាំ​គ្នា​ចុះ​ដង​ តែ​ឃើញ​មិន​បាន​ច្រើន​ប៉ុន្មាន​នោះ​ទេ ។ ត្រី​នៅ​ពេល​ឥឡូវនេះ​ឡើង​ថ្លៃ​ហើយ ខ្សត់​ទៀត ។ ងាក​ទៅ​មើល​កោះ​ប៉ែន​វិញ ឃើញ​តែ​លឹមៗ រក​កល់​តែ​នឹង​លិច​ចូល​ទៅ​ក្នុង​ទន្លេ​មេគង្គ​ដែល​ពង្រីក​ខ្លួន​យ៉ាង​មហិមា​នេះ ។ ដំណឹង​ល្អ​សម្រាប់​អ្នក​រស់​នៅ​កោះ​នោះ គឺ​មាន​គម្រោង​សាងសង់​ស្ពាន​​បេតុង​មួយ​សម្រាប់​សម្រួល​ដល់​ជីវភាព​របស់​ប្រជាពលរដ្ឋ​ដែល​រស់​នៅ​លើ​កោះ​ផង​ដែរ ។

Categories: ផ្សេងៗ | ពាក្យ​គន្លឹះ៖ , , | 5 មតិ

ប្លក់​នៅ WordPress.com.

%d bloggers like this: