កម្រង​រូបភាព

ផ្ទឹម​រូប​ចាស់ និង​រូបថ្មី


រូប​ចាស់​ដក​ស្រង់ពី​សៀវភៅ Inventaire descriptif des monuments du Cambodge ភាគ២ សរសេរ​ដោយ លោក Étienne Edmond Lunet de Lajonquière នៅឆ្នាំ១៩០២ ​ឯ​រូបថ្មីជា​កម្មសិទ្ធ​របស់ស្មេរ។

ភ្នំត្រប់

ភ្នំត្រប់ ប៉មកណ្ដាល

ភ្នំជើងព្រៃ (ភ្នំស្រី)

គុកព្រីងជ្រុំ

គុកអំពិលទ្វារ

វត្តស្ពឺ

ហាន់ជ័យ គុកជើង

ហាន់ជ័យ គុកត្បូង

នគរបាជ័យ

ព្រះធាតុព្រះស្រី គុកជើង

ព្រះធាតុព្រះស្រី

ព្រះធាតុបារាយណ៍

ព្រះធាតុបារាយណ៍

ព្រះធាតុបារាយណ៍

ព្រះធាតុបារាយណ៍

Categories: កម្រង​រូបភាព | ពាក្យ​គន្លឹះ៖ , , | 2 មតិ

ផ្ដែរ​រចនាបថ​សំបូរ​ព្រៃគុក​នៅ​ភ្នំបាធាយ


កាល​ពី​ម្សិល​មិញ ខ្ញុំ​​បង្ហោះ​រូប​ថត​ទេស​ភាព​ពី​លើ​ភ្នំ​បាធាយ​ ថ្ងៃនេះ ខ្ញុំ​​សូម​បង្ហាញ​​ភស្តុតាង​​នៃ​វត្តមាន​ប្រាសាទ​បុរាណ​មួយ​ដែល​សព្វថ្ងៃ​រលំ​បាត់​ទៅ​ហើយ​នៅ​លើ​ទីតាំង​ភ្នំ​នេះ។ គួរ​បញ្ជាក់​ថា ភ្នំបាធាយ​ជា​ភ្នំ​​​ធំ​មួយ​នៅ​កណ្ដាល​ស្រុក​បាធាយ​ ខេត្ត​កំពង់​ចាម​ ស្ថិត​នៅ​ស្ទើ​ពាក់​កណ្ដាល​ផ្លូវ​ភ្នំពេញ​កំពង់ចាម (៦០ គ.ម. ពីភ្នំពេញ, ៦៥ គ.ម. ទៅ​កំពង់ចាម)។ បើ​ធ្វើ​ដំណើរ​ពី​រាជធានី​ភ្នំពេញ​ ​យើង​នឹង​ឃើញ​វត្ត​មួយ​នៅ​ខាង​ស្ដាំ​ដៃ​ឈ្មោះ​ វត្ត​គិរី​បុប្ផារាម ស្ថិត​នៅ​ជើង​ភ្នំ​បាធាយ។ យើង​អាច​ឡើង​ភ្នំ​នេះ​ដោយ​​ដើរ​តាម​ជណ្ដើរ​ពី​ជើង​ភ្នំ​ទៅ​ក៏​បាន តែ​បើ​ចង់​ឡើង​ភ្នំ​ដោយ​ម៉ូតូ​ ឬ​ឡាន​​វិញ តោង​ជិះ​បង្ហួស​បន្តិច​នឹង​ឃើញ​ផ្លូវ​ដី​មួយ​នៅ​ខាង​ស្ដាំ​ដៃ បត់​ចូល​ទៅ​ហើយ​ជិះ​រហូត​ដល់​ សាលា​បឋម​សិក្សា​​មួយ ហើយបត់​ស្ដាំ​តាម​ផ្លូវ​ដី និងបេតុង​ឡើង​ទៅ​លើ​ភ្នំ​តែ​ម្ដង។

ពេល​ឡើង​ទៅដល់​ជំរាក់​មួយ យើង​នឹង​ឃើញ​រោង​សំណង់​សក្ការៈ​មួយ​អន្លើ។ ចំណុច​នេះ​មាន​ជណ្ដើរ​ចុះ​ទៅ​ក្រោម​ចំ​ដល់​វត្ត​ ដូច​មាន​និយាយ​នៅ​ខាង​លើ។ នៅ​ត្រង់​ចំណុច​មួយ​ទៀត​នៅ​លើ​ភ្នំ​ គេ​មាន​សង់​ជា​រោង​ពី​ស៊ី​ម៉ង់​ដើម្បី​តម្កល់​ចម្លាក់​ព្រះ​ពុទ្ធ​រូប​​ថ្មី​មួយ​អង្គ និង​ផ្ដែរ​រចនាបថ​សំបូរ​ព្រៃគុក​មួយ​ពី​ថ្មភក់។

ផ្ដែរ​រចនាបថ​សំបូរ​ព្រៃគុក

ក្រៅ​ពី​វត្ត​មាន​ផ្ដែរ​ដែល​អាច​បញ្ជាក់​ពី​​អត្ថិភាព​នៃ​ប្រាសាទ​បុរាណ​មួយ​ដែល​សព្វថ្ងៃ​រលំ​បាត់​រូប​រាង​ហើយ​នោះ ទីតាំង​ភ្នំ​នេះ​ក៏​មាន​​ជា​រោង​អ្នកតា រោង​សក្ការៈនានា ក៏​ដូច​ជា​ចេតិយ​ដែរ។ នេះ​ស​បញ្ជាក់​ពី​ជំនឿ​យ៉ាង​មុត​មាំ​របស់​អ្នក​ស្រុក​ដែល​នៅ​តែ​គោរព​ដល់​ភ្នំ​នេះ​តាំង​ពី​ដើម​ត​មក​ដល់​បច្ចុប្បន្ន។

បន្ថែម​ពី​នេះ ​និស្សិត​បុរាណ​វិទ្យា​ជំនាន់​ទី១៩ ឈ្មោះ​ ម៉ុក មករា ​ក៏​បាន​សិក្សា​ស្រាវជ្រាវ និង​សរសេរ​ជា​សារណា​មួយ​ច្បាប់​​​ដោយ​ដាក់​ចំណង​ជើង​ថា «ភ្នំបាធាយ ជំនឿ និងកិច្ចប្រតិបត្តិ» អំពី​ទីតាំង​នេះ​ដែរ។ សៀវភៅ​នេះ​ អាច​រក​អាន​បាន​នៅ​បណ្ណាល័យ​សាកលវិទ្យាល័យ​ភូមិន្ទ​វិចិត្រ​សិល្បៈ ទីតាំង​នៅ​ក្រោយ​សារមន្ទីរជាតិ និង​ជាប់​របង​ខាង​ជើង​ព្រះ​បរម​រាជវាំង។

Categories: កម្រង​រូបភាព, រមណីយដ្ឋាន | ពាក្យ​គន្លឹះ៖ , , , , , | បញ្ចេញមតិ

ទេសភាព​ពី​ភ្នំបាធាយ


រូប​ថត​ខាង​ក្រោម​នេះ​ ខ្ញុំ​ថត​តាំង​ពី​ខែ​មិថុនា​ឆ្នាំ​២០១៧​មក​ម៉្លេះ កាល​នោះ​ខ្ញុំ​ជិះ​ម៉ូតូ​ទៅ​ស្រុក​កំណើត​ ក៏​ឈៀង​ឡើង​ភ្នំ​បាធាយ​ ហើយ​ផ្ដិត​យក​រូប​ថត​​ទាំង​នេះ​តែ​ម្ដង។

Categories: កម្រង​រូបភាព | ពាក្យ​គន្លឹះ៖ , , , , | បញ្ចេញមតិ

ចម្លាក់នៅប្រាសាទព្រះធាតុបារាយណ៍


ចម្លាក់នៅ​លើ​ផ្ដែរ និងហោជាង​ប្រាសាទ​ព្រះធាតុ​បារាយណ៍​ត្រូវ​បាន​យក​តម្រៀប​ជា​ឃឿន​ព្រះវិហារ​នៅ​ខាង​មុខ​ប្រាសាទ។ ចម្លាក់ទាំង​នេះ​ស្ថិត​នៅ​ក្នុង​រចនាបថ​បាពួននៅសតវត្ស​ទី១១។ លក្ខណៈគួរឱ្យ​កត់សម្គាល់នៃរចនាបថបាពួន គឺការឆ្លាក់ទេពកថា​នៅ​លើ​ផ្ដែរ និងហោជាង ជាភាគច្រើន​ជា​ទេព​កថា​ដែល​ទាក់ទង​នឹង​ព្រះ​នរាយណ៍។

ចម្លាក់នេះ​ទំនង​ស្ថិត​នៅ​លើ​ផ្ដែរ (?) ដែល​បង្ហាញរូបព្រះឥសូររាំ ដែលគេហៅថា ព្រះនាថរាជ (ស្ដេចរបាំ)។ គេឃើញនៅជុំវិញមានវត្តមាន​ព្រះព្រហ្ម (ខាង​ឆ្វេង), ព្រះនរាយណ៍ និងព្រះគណេស (ខាងស្ដាំ) និងទេពមួយចំនួនដែលពិបាកសម្គាល់។ នៅខាង​ឆ្វេង​បំផុត​ ទំនង​ជា «ពានរ​មួយ»។

ផ្ដែរ? ព្រះនាដរាជ (ព្រះឥសូររាំ)

ឯចម្លាក់នេះមានរូបរាងជាហោជាង (រាងត្រីកោណ) ដែលបង្ហាញ​រូបព្រះភិរុណ (?) ជិះហង្ស។

ហោជាង ព្រះភិរុណ?

ចម្លាក់បន្ទាប់គឺចម្លាក់ព្រះនរាយណ៍ផ្ទុំ។ អ្នកស្រុកហៅរូបនេះថាជារូបស្ដេចកនផ្ទុំ។ ចម្លាក់ឈុតនេះដំបូងៗឡើយ គេឆ្លាក់ជារូបព្រះនរាយណ៍ផ្ទុំលើនាគតែម្ដង តែចាប់ពីសតវត្សទី១១មក គេបែ​ជាឃើញព្រះនរាយណ៍ផ្ទុំលើសត្វ​ផ្សេងទៅវិញ។ មានមតិខុសៗគ្នាចំពោះសត្វនេះ អ្នកស្រាវជ្រាវខ្លះគិតថា​ជាមករ ខ្លះគិតជា​គជសីហ៍។

ផ្ដែរ​រូប​ព្រះនរាយណ៍ផ្ទុំ

ចម្លាក់នេះទំនងជាឆ្លាក់លើ​ផ្ដែរបង្ហាញឈុតពាលីនិងសុគ្រឹពប្រយុទ្ធគ្នា។ នៅខាង​ឆ្វេងគេឃើញព្រះរាម​បម្រុងនឹងលើធ្នូបាញ់សម្ដៅទៅពាលី (មួយណាពាលី) ឯនៅខាងស្ដាំគេឃើញព្រះលក្ស្មណ៍ និងហនុមានដែលលុតជង្គង់។

ផ្ដែរឈុតពាលីប្រយុទ្ធគ្នានឹងសុគ្រីព

ចម្លាក់ពេញ

នៅ​លើ​ផ្ដែរមួយទៀត យើងឃើញឈុត​មួយដែលឧស្សាហ៍លេចឡើងដែរ គឺឈុតព្រះក្រឹស្ណាលើភ្នំគោវធ៌នជាឆ័ត្រការពារព្យុះភ្លៀងរន្ទះដែលព្រះឥន្ទ​បង្អុរ​មក​កម្ទេចពួកគង្វាលគោដែលមិនគោរពព្រះអង្គ ហើយទៅគោរពព្រះក្រឹស្ណាវិញ។ យើងឃើញយ៉ាងច្បាស់នូវកាយវិការ​ដ៏​អង់អាចនៃព្រះក្រឹស្ណា​ដែលលើ​ភ្នំ​ដោយ​ដៃតែម្ខាង ហើយឈរតែជើងមួយចំហៀង ឯនៅជុំវិញនោះអ្នកគង្វាលគោទាំង​ឡាយ​ភ័យខ្លាច និង​បន់ស្រន់សូម​ឱ្យ​ព្យុះភ្លៀន​រន្ទះ​វិនាស​​ផុត​បាត់ទៅ។

ផ្ដែរ? ព្រះក្រឹស្ណាលើភ្នំគោវធ៌ន

នៅលើផ្ដែរមួយនេះវិញ ជាឈុតដែលយើងឃើញនៅពាសពេញស្រុកខ្មែរ​ជា​ចម្លាក់ក្ដី ជាប្រតិមាក្ដី។ អ្នកស្រុកជាធម្មតាហៅរូបនេះថាទាញព្រ័ត្រ។ តាមព័ត៌មានពីអ្នកស្រុកប្រាប់ថា ក្បាលអណ្ដើក (កូម៌) នោះត្រូវគេលួចដាប់នៅទសវត្សន៍​ឆ្នាំ​១៩៨០។

ផ្ដែរ? កូរសមុទ្រទឹកដោះ

បន្ទាប់មកយើងឃើញមាន​ផ្ដែរមួយទៀតក្នុងរចនាបថបាខែងឬកោះកេរ (?) ដែលបង្ហាញ​រូប​ព្រះឥន្ទ​គង់លើ​ដំរីព្ធរាវណ។ ផ្ដែរនេះដាច់បាត់អស់មួយផ្នែកធំ​ទៅហើយតែយ៉ាងណាក្ដីយើងអាចនៅមើលឃើញក្បាលដំរីបាន។ ប្រសិនបើផ្ដែរនេះមានទីតាំងដើមនៅទីនេះមែន មានសេចក្ដីថាទីតាំងនេះជា​ទីសក្ការៈបែបសាសនា​តាំងពីដើម​​សម័យអង្គរមកម៉្លេះ ហើយត្រូវបានពង្រីក​ឱ្យ​កាន់​តែ​ធំ​នៅ​​សតវត្ស​ទី១១។

ផ្ដែររចនាបថបាខែង-កោះកេរ?

ឯ​ផ្ដែរចុង​ក្រោយ​នេះ​ជា​រូប​ព្រះនរាយណ៍​គង់​លើ​គ្រុឌនៅ​លើ​តោ​មួយ​ដែល​​​​ឈរ​ជើងពីរ​នៅ​ចំ​កណ្ដាល​នៃ​ផ្ដែរ។ ផ្ដែរ​នេះ​ទំនង​ស្ថិត​នៅ​ក្នុង​រចនាបថបាខែងឬកោះកេរ?​ ។

ផ្ដែររចនាបថបាខែង-កោះកេរ?

ចម្លាក់ មិនស្គាល់សាច់រឿង

ប្រាង្គកណ្ដាល និងឃឿនព្រះវិហារថតពីទិស​ពាយ័ព្យ (២០១៣)

*អរគុណលោក ឡេង ស៊ីរ៉ង់ បេក្ខជនថ្នាក់បណ្ឌិតជំនាញប្រវត្តិសិល្បៈនៃសាកលវិទ្យាល័យសិល្បករ ក្រុងបាងកក ដែលបានជួយកំណត់អត្តសញ្ញាណផ្ដែរ​ទាំងពីរចុងក្រោយ។

អានបន្ថែម៖

Categories: កម្រង​រូបភាព, រមណីយដ្ឋាន | ពាក្យ​គន្លឹះ៖ , , , | បញ្ចេញមតិ

Bamboo Bridge


The longest man-made bamboo bridge in Cambodia is located in Kampong Cham provice. This seasonal bamboo bridge is built every time the flood recedes usually in December and then swept away by the flow of the flood when it comes again in May. The bamboo bridge is privately owned and you have to pay to cross this bamboo bridge. The duration is usually between December and May, roughly 6 months. Another 6 months, you still can cross on a joint boat big enough to supports up to 30 people including their vehicles.

The bamboo bridge served as a link connecting Kampong Cham town and Pen island. The island is big with a long beach. Many inhabitants reside the island, most of them are farmers. They usually grow tobacco, soybean, sugarcane and many other kinds of vegetables. Usually people visit the island on Khmer New Year day which is usually from the 13/14 to 16 April. However, many foreign tourists visit the bridge daily by cycling up the island. The cycling on the bamboo bridge is a pleasure yet risky one since the lane is small so you can not go faster, the wind is strong and you feel like “Oh my, I am almost blown away!”, and finally the bamboo bridge is unstable – it likes walking on a hanging bridge, but not that too much swing power.

For the last 25 years having been living in Kampong Cham, it is the first time I saw the bamboo bridge swept away by the current only a few days after it installation (it is usually  swept away after roughly 6 months in use when the water level rises). This incident occurred on the morning of 28th, December 2013, but luckily there is no causality. Since then, the bridge is already erected again and put in to good use.

Categories: កម្រង​រូបភាព, រមណីយដ្ឋាន | ពាក្យ​គន្លឹះ៖ , | បញ្ចេញមតិ

ការដង្ហែរ​សព​ជនជាតិ​ចាម្ប


ទោះ​ជា​បាន​រស់​នៅ​ភូមិ​នេះ​ជា​​មួយ​ជនជាតិ​ចាម្ប ឬ​ខ្មែរ​អ៊ីស្លាម អស់​រយៈ​ពេល​ជាង ២០ ឆ្នាំ​មក​ហើយ​ក្ដី ខ្ញុំ​មិន​ដែល​ធ្លាប់​ឃើញ​ការ​ហែ​សព ឬ​ការ​កប់​​សព​នៃ​ជនជាតិ​នេះ​ទេ ។ នេះ​ជា​លើក​ទី​មួយ ដែល​ខ្ញុំ​បាន​ឃើញ​ ហើយ​ក៏​បាន​ថត​ផ្ដិត​យក​រូប​ភាព​មួយ​សន្លឹក​នេះ​មក​ទុកជា​ឯកសារ ។ ការ​ហែ​សព​នេះ​មាន​ភាព​សាមញ្ញ​ណាស់ មិន​គគ្រឹក​គគ្រេង​ដូច​ជនជាតិ​ខ្មែរ ឬ​ខ្មែរ​កាត់​ចិន​ឡើយ ។ ខ្ញុំ​មិន​ដឹង​ថា​ គេ​ចំអាស​សព​ឬ​ឥត​នោះ​ទេ ដឹង​ត្រឹម​ថា​គេ​យក​សំឡី​ទៅ​រុំ​ បន្ទាប់​មក​រុំ​​និង​កន្ទេល​មួយ​ជាន់​ទៀត ។ គេ​លើក​សព​ដាក់​លើ​គ្រែ​សែង ដោយ​សែង​ដោយ​មនុស្ស 6 ទៅ 8 នាក់ ។ ទាំង​អ្នក​សែង និង​អ្នក​ហែហម​ សុទ្ធ​តែ​ជា​មនុស្ស​ប្រុស​ដែល​តម្រូវ​​ឲ្យ​ស្លៀក​ពាក់​របៀប​សាសនា (យ៉ាង​ហោច​ណាស់​ត្រូវ​ពាក់ កាតឹប) ។ បច្ចុប្បន្ន​នៅ​ភូមិ​ដែល​ខ្ញុំ​រស់​នៅ​នេះ មាន​វិហារ​សាសនា​អ៊ីស្លាម​ 2 ដែល​មួយ​ទើប​នឹង​ធ្វើ​ពិធី​សម្ពោធ​ថ្មី​ៗ ។

funeral-4618

ជាទូទៅ មិន​មាន​មនុស្ស​ចូល​រួម​ហែ​ច្រើន​នោះ​ទេ

តាម​ដែល​ឪពុក​ខ្ញុំ​បាន​បញ្ជាក់​អំពី​ការ​កប់​សព គឺ​ពួក​គេ​កប់​នៅ​ដី​វាល​មួយ​​កន្លែង​ក្រោយ​វិហារ​សាសនា​របស់​ពួក​គេ ។ ការ​កប់​នេះ​ គឺ​ជីក​លុង​ដី​ទៅ​ក្រោម​ឲ្យ​ជ្រៅ បន្ទាប់​មក​ជីក​ទៅ​ឆ្វេង​ ឬ​ស្ដាំ​​ទៀត​ឲ្យ​ល្មម​នឹង​ដាក់​សព​ចូល​ទើប​គេ​កប់​ទៅ​ក្នុង​រណ្ដៅ​ចំហៀង​នោះ​វិញ ។ ការ​ធ្វើ​បែប​នេះ បើ​តាម​ខ្ញុំ​គិត​ក៏​ព្រោះ​តែ ជនជាតិ​ចាម្ប មាន​គ្នា​ច្រើន ឯ​ដី​កប់​សព​ទំហំ​តូច ដូច្នេះ​ត្រូវ​ជីក​ឲ្យ​ជ្រៅ កុំ​ឲ្យ​ជាន់​គ្នា ។ ម៉្យាង​ទៀត ជនជាតិ​ចាម្ប មិន​មាន​ការ​បន់​ស្រន់​ ឬ​ធ្វើ​ខួប​រំលឹក​នៅ​​ផ្នូរ​សព​ ឬ​ចេតិយ​ ដូច​ជនជាតិ​ខ្មែរ ឬ​ខ្មែរ​កាត់​ចិន​ ឡើយ គ្រាន់​តែ​ដោត​បង្គោល​ចំណាំ​នៅ​តាម​ផ្នូរ​និមួយៗ ជៀសវាង​ការ​កប់​ជាន់​តែ​ប៉ុណ្ណោះ ។

***

ចំណាំ ៖ នេះ​ជា​ការ​សង្កេត​ឃើញ​ផ្ទាល់​របស់​ខ្ញុំ និង​តាម​ពាក្យ​សម្ដី​ដែល​ឪពុក​ខ្ញុំ​បាន​ប្រាប់​មក​តែ​ប៉ុណ្ណោះ បើ​បង​ប្អូន​ចាម្ប​សង្កេត​ទៅ​មាន​ការ​ទាស់​ខុស​ចំណុច​ណា សូម​កុំ​ប្រកែ​ប្រកាន់ ហើយ​សុំ​ជួយ​កែ​តម្រូវ​​តាម​ការ​គួរ ៕

Categories: កម្រង​រូបភាព | ពាក្យ​គន្លឹះ៖ , , | 6 មតិ

​​ក្បាលទឹក និង​ប្រាសាទ​ទឹកឆា


kbal tek

នៅ​ពេល​ថ្មីៗ​ នេះ​មាន​ការ​បង្កើត​រមណីយដ្ឋាន​ថ្មី​តូច​មួយ​នៅ​តំបន់​ទឹក​ឆា អ្នក​ផង​គេ​ហៅ​តំបន់​នោះ​ថា ក្បាល​ទឹក ។ តំបន់ ក្បាល​ទឹក​ នេះ​គឺ​ជា​ចំណុច​ប្រភព​ទឹក​ចេញ​ធម្មជាតិ​ដែល​ហូរ​ពី​កើត​ទៅ​លិច​ចាក់​ទៅ​តំបន់​ទឹក​ឆា ។ ដោយ​សារ​តែ​តំបន់​នេះ​ជា​ចំណុច​ទឹក​ចេញ ដូច្នេះ​គេ​ក៏​ហៅ​តំបន់​នេះ​ថា ក្បាល​ទឹក​ៗ តែ​​ម្ដង​ទៅ ។

កាល​ពី​ដើម​មក​ហើយ អ្នក​ផង​ដែល​និយម​ហែល​ទឹក​លេង តែង​តែ​ទៅ​លេង​ទឹក​នៅ​តំបន់​ទឹក​ឆា នៅ​វេលា​ចូល​ឆ្នាំ ឬ​បុណ្យ​ប្រពៃណី​ផ្សេងៗ ។ គួរ​បញ្ជាក់​ផង​ដែរ​ថា ទឹក​ឆា​នេះ​ជា​អាង​ទឹក​ដែល​ធ្វើ​ដោយ​មនុស្ស​ផ្ទាល់ (បារាយណ៍) ដែល​មាន​អាយុ​កាល​រាប់​រយ​ឆ្នាំ​មក​ហើយ ហើយ​ទទួល​បាន​ការ​ជួល​ជុល​ច្រើន​លើក​ច្រើន​សា​ផង​ដែរ ដែល​ចុង​ក្រោយ​នេះ​មាន​ការ​ធ្វើ និង​លើក​ជើង​ទំនប់​ពី​ស៊ីម៉ង់​តែ​ម្ដង ។

កាលពី​សប្ដាហ៍​មុន ខ្ញុំ​បាន​ឆៀង​ទៅ​លេង​តំបន់​ក្បាល​ទឹក​ដោយ​បាន​ហូប​បាយ​ថ្ងៃត្រង់​នៅ​ទីនេះ​ទៀត​ផង (តម្លៃ​ថ្លៃ​ល្មម​ – ពិបាក​នឹង​ត​ដែរ ព្រោះ​ជា​តំបន់​ដាច់​ស្រយាល) បន្ទាប់មក​ខ្ញុំ​បាន​ចូល​អើត​ប្រាសាទ​ទឹក​ឆា​ធំ (មាន​ប្រាសាទ​តូច) ជា​លើក​ទី ២ ។ អត្ថបទ​លម្អិត​អំពី​ប្រាសាទ​នឹង​មាន​ផ្សាយ​នៅ​ប្រកាស​ក្រោយ ។

tek chhar lintel

ផ្ដែរ​ក្នុង​រចនាបថ ???

ដើម្បី​ចុច​មើល​ទីតាំង​រមណីយដ្ឋាន​ទឹកឆា និង​ក្បាលទឹក ចុច​ត្រង់​នេះ !

Categories: កម្រង​រូបភាព, ការធ្វើដំណើរ, រមណីយដ្ឋាន | ពាក្យ​គន្លឹះ៖ , , , | 5 មតិ

រូប​ថត ៖ ភ្នំប្រុស ភ្នំស្រី (១៩៩៣)


ខាង​ក្រោម​នេះ ជារូបថត​ពីរសន្លឹកបង្ហាញ​ពី​ទិដ្ឋភាព ក៏​ដូច​ជា​ទេសភាព ភ្នំ​ប្រុស​ភ្នំស្រី ដី​កំពង់ចាម​ កាល​ពី​​២០​​ឆ្នាំ​មុន ។

ភ្នំប្រុស

ភ្នំស្រី

Categories: កម្រង​រូបភាព | ពាក្យ​គន្លឹះ៖ , , | 4 មតិ

រូបភាព ៖ ស្ត្រី​មក​ពី​ខែត្រ​កំពង់ចាម


2

*** គួរ​បញ្ជាក់​ផង​ដែរ​ថា លេខ​​ដែល​ស្ថិត​នៅ​មុខ​អក្សរ​នៅ​លើ​រូប​ថត​នោះ​ជា​ លេខ​រៀង​​នោះ​ទេ មិន​មែន​ជា​លេខ​​ឆ្នាំ​នោះ​ឡើយ ។

Categories: កម្រង​រូបភាព | ពាក្យ​គន្លឹះ៖ , , | បញ្ចេញមតិ

ផែនទីបុរាណខែត្រ​ជើងព្រៃ


នេះ​ជា​ផែនទី​បុរាណ​នៃ​ខែត្រ​ជើង​ព្រៃ ដែល​សព្វ​ថ្ងៃ​ក្លាយ​ទៅ​ជា​ស្រុក​មួយ​​នៃ​ ខែត្រ​កំពង់ចាម ។

Categories: កម្រង​រូបភាព, រឿង​រ៉ាវ​អំពី​ខែត្រ​កំពង់ចាម | ពាក្យ​គន្លឹះ៖ , , , , | បញ្ចេញមតិ

ប្លក់​នៅ WordPress.com.

%d bloggers like this: