សញ្ញាសម្គាល់

១ មករា ១៩៧៩


ថ្មីៗ នេះ​ នៅ​ក្រុង​កំពង់ចាម​មាន​ការ​សាង​សង់​រង្វង់​មូល 2 ដែល​នៅ​ចម្ងាយ​ប្រហែល​ 1 គ.ម៉. ពី​គ្នា ។ រង្វង់​ទី 1  ដែល​ខ្ញុំ​នឹង​បង្ហាញ​នេះ​គឺ រង្វង់​មូល 1.79 ដែល​ប្រហែល​ជា​​មានន័យថា 01 – មករា – 1979 ជា​ថ្ងៃ​ដែល​កង​ទ័ព​រណសិរ្ស​​សាមគ្គី​សង្គ្រោះ​ជាតិ​កម្ពុជា​ ដែល​មាន​កងទ័ព​វៀតណាម​នៅ​ពី​ក្រោយ​ខ្នង វាយ​យក​បាន​ ខែត្រ​​កំពង់ចាម​ ពី​កណ្ដាប់​ដៃ​ប្រឡាក់​ឈាម​របស់​កង​ទ័ព​កម្ពុជា​ប្រជាធិបតេយ្យ ។

untitled-4707

ដំណើរ​ឆ្ពោះ​ទៅ​ទិស​ខាង​លិច ?

untitled-4711

មិត្ត​ភាព​ម៉ឺនៗ ​ឆ្នាំ !

untitled-4712

ម្ដុំ​នេះ​ គេ​ហៅ​ថា ផ្លូវ​បន្ទាយ​ស៊ុប

គួរ​បញ្ជាក់​ផង​ដែរ​ថា រង្វង់​មូល​នេះ​មាន​ទី​តាំង​​ស្ថិត​នៅ​លើ​ផ្លូវ​ជាតិ​លេខ  7 ចាស់ ទល់​មុខ​បញ្ជាការ​កង​រាជ​អាវុធ​ហត្ថ​ខែត្រ និង​នៅ​ក្រោយ​ វិទ្យាល័យ​ព្រះ​សីហនុ ។ រង្វង់​មូល​​នេះ​ត្រូវ​បាន​ដឹក​នាំ​កសាង​ដោយ​ ឯកឧត្ដម​ លន់ លឹម​ថៃ អភិបាល​នៃ​គណៈ​អភិបាល​ខែត្រ​កំពង់ចាម និង​​​ឯកឧត្ដម​អភិបាលខែត្រ​​រង ក្រោម​​ជំនួយ​ដ៏​សប្បុរស​ពី​ លោក​ស្រី ស៊ាង ច័ន្ទថន និង​ ស្វាមី ដោយ​ផ្ដើម​កសាង​នៅ​ថ្ងៃ 18 កញ្ញា 2013 ។

Categories: សញ្ញាសម្គាល់ | ពាក្យ​គន្លឹះ៖ , , | 1 មតិ

ខ្លះៗ អំពី​ស្រុក​កងមាស


ត្រលប់​មក​ ក្រុង​ភ្នំពេញ ​លើក​នេះ ខ្ញុំ​ធ្វើ​ដំណើរ​តាម​ ស្រុក​កង​មាស ដែល​គិត​ទៅ​ប្រហែល​ជា​មាន​ចម្ងាយ​ជិត​ជាង​យើង​ធ្វើ​ដំណើរ​តាម​ផ្លូវ​ជាតិ​លេខ 6A និង លេខ 7 ដោយ​គ្រាន់​តែ​បញ្ហា​រឿង​ផ្លូវដី និង ប្រកប​ដោយ​គ្រលុកជា​ច្រើន​បន្តិច​ក្ដី ។

តើ​ពាក្យ កងមាស នេះ​មាន​ន័យ​យ៉ាង​ណា ? បើ​តាម​ការ​វិភាគ​គ្មាន​គ្រូ​របស់​ខ្ញុំ​គឺ ៖

  • កងមាស​ គឺ កង​ដៃ​មាស
  • កងមាស គឺ កងច័ក្រមាស
  • កងមាស គឺ ត្រកងមាស

តែនៅ​មាន​ពាក្យ​មួយ​ទៀតជា​ពាក្យ​ដែល​អ្នក​ភូមិ​អ្នក​ស្រុក​​ចំណាំ​ហៅគឺ ពាម​ជីកង ។ បើ​យើង​ចែក​ពាក្យ​ទាំង​នេះ យើង​បាន ពាម + ជី + កង ។ ពន្យល់​ពាក្យ​ទាំង​ ៣ នេះ​តាម​វចនានុក្រម​សម្តេច​សង្ឈ ជួន ណាត

  • ពាម ៖ មាត់​ព្រែក​ ឬ មាត់​ស្ទឹង​ដែល​បែក​ចេញ​ពី​ទន្លេ, មាត់​ទន្លេ​ដែល​ហូរ​​ទៅ​ជាប់​សមុទ្រ
  • ជី ៖ អ្នក, ឯង, ពាក្យ​សម្រាប់​ហៅ​ក្មេង​ប្រុស​ដែល​ទើប​សឹកពីសាមណេរ, ទម្ងន់មាស
  • កង ៖ ឮ​រំពង​អឺងកង, ចាប់​ត្រកង, កងទ័ព, កង​ដៃ កងជើង

តើ​អ្នក​ទាំង​អស់​គ្នា​មាន​សម្មតិកម្ម​យ៉ាង​ណា​ដែល​ចំពោះ​ពាក្យ​នេះ ?

សម្រាប់​ខ្ញុំ​ពាក្យ​នេះ​មាន​ន័យ​ថា ៖ កន្លែង​ទីមាត់​ទឹក​ដែល​ជីចាប់​ត្រកង សួរ​ថា​ចាប់​ត្រកង​អ្វី? គឺ ចាប់​ត្រកង​មាស​ នេះ​ឯង ។

គួរ​ពុំ​គួរ​សូម​មេត្តា​អធ្យាស្រ័យ​ ព្រោះ​នេះ​គ្រាន់​ជា​គំនិត​របស់​ខ្លួន​ខ្ញុំ​ផ្ទាល់​តែ​ប៉ុណ្ណោះ ។

សូម​អញ្ជើញ​មើល​រូប​ភាព​ ២ សន្លឹក​ខាង​ក្រោម​ជា​ការ​កំសាន្ដ​ចក្ខុ ។

ខ្លោងទ្វារស្រុក​ដែលមានតែមួយក្នុងខែត្រ​កំពង់ចាម

ទេសភាពដ៏ក្ដៅហែង

Categories: កម្រង​រូបភាព, រឿង​រ៉ាវ​អំពី​ខែត្រ​កំពង់ចាម, សញ្ញាសម្គាល់ | ពាក្យ​គន្លឹះ៖ , , , , | 20 មតិ

ស្ពានគីហ្ស៊ូណា 絆


នៅ​ឆ្នាំ 2001 ស្ពាន​គីហ្ស៊ូណា ត្រូវ​បាន​សម្ពោធ​ឲ្យ​ប្រើ​ប្រាស់ ។ ជា​ស្ពាន​ទី​មួយ​ដែល​ឆ្លង​កាត់​ ទន្លេ​មេគង្គ​កម្ពុជា ការ​សាង​សង់​ត្រូវ​ចំណាយ​ពេល​អស់​ 3 ឆ្នាំ និង​ទឹក​ប្រាក់​ចំនួន 56 លាន​ដុល្លារ​អាមេរិក​ ជា​ជំនួយ​ពី​​ រដ្ឋាភិបាល​ជប៉ុន ។ ស្ពាន​នេះ​​មាន​ប្រវែង​ 1500 ម៉ែត្រ​ ជាប់​ចំណាត់​ថ្នាក់​ជា​ស្ពាន​វែង​ជាង​គេ​នៅ​ ប្រទេស​កម្ពុជា​ ​រហូត​ដល់​ ស្ពាន​កម្ពុជា​-​ថៃ​ ត្រូវ​បាន​សាង​សង់​នៅ​ ខែត្រ​កោះ​កុង​ នៅ​ឆ្នាំ 2002 ដែល​មាន​ប្រវែង 1900 ម៉ែត្រ ។ ស្ពាន​នេះ​ជា​ស្ពាន​ទី​​មួយ​ដែល​​ភ្ជាប់​ត្រើយ​ខាង​កើត​ និង ត្រើយ​ខាង​លិច​នៃ ​ប្រទេស​កម្ពុជា ។ មនុស្ស​ប្រហែល​ជា​ 10,000 នាក់​ បាន​ចូល​រួម​អប​អរ​ពិធី​សម្ពោធ​ស្ពាន​នេះ​ (រួម​មាន​ខ្ញុំ​ផង​ដែរ) ។

ពាក្យ គីហ្ស៊ូណា ជា​ភាសា​ជប៉ុន 絆 មានន័យ​ថា ចំណង​ភ្ជាប់

ប្រភព ៖ Wikipedia

Categories: សញ្ញាសម្គាល់ | ពាក្យ​គន្លឹះ៖ , , , , , | 4 មតិ

បង្កើត​វេបសាយ​ឬ​ប្លក់​មិន​គិត​ប្រាក់​មួយ​នៅ WordPress.com.

%d bloggers like this: