ខាងក្រោមនេះជារូបភាពដែលបំប្លែងពីអត្ថបទមួយដែលខ្ញុំសរសេរចុះផ្សាយក្នុងទស្សនាវដ្ដីកម្ពុជសូរិយា ឆ្នាំទី៦ លេខ៣ បោះពុម្ពឆ្នាំ២០២០ ទំព័រ៤១ ដល់៥២។ ចំពោះអត្ថបទមួយដែលមានរំឭកនៅកំណត់យោងលេខមួយ សូមចុច ប្រាសាទភ្នំត្រប់។
Posts Tagged With: ភ្នំត្រប់
ប្រតិមាព្រះពុទ្ធសាសនានៅភ្នំត្រប់
Categories: រឿងរ៉ាវអំពីខែត្រកំពង់ចាម, សៀវភៅ
ពាក្យគន្លឹះ៖ កម្ពុជសូរិយា, បដិមា, ពុទ្ធសាសនា, ពេជ្រយាន, ភ្នំត្រប់, វជ្រយាន, វត្តប្រើសមាស
1 មតិ
ប្រាសាទភ្នំត្រប់
ខាងក្រោមនេះជារូបភាពដែលបំប្លែងពីអត្ថបទមួយដែលខ្ញុំសរសេរចុះផ្សាយក្នុងទស្សនាវដ្ដីកម្ពុជសូរិយា ឆ្នាំទី៦៦ លេខ២ បោះពុម្ពឆ្នាំ២០១៩ ទំព័រ៧៨ ដល់៩២ ។
ខ្ញុំក៏ធ្លាប់ដកស្រង់អត្ថបទអំពីភ្នំត្រប់ពីវេបសាយផ្សេងទៀតយកមកចុះផ្សាយនៅទីនេះដែរ៖
- បណ្តាញព័ត៌មានវប្បធម៌ខ្មែរ៖ ភ្នំត្រប់
- CEN ៖ ប្រាសាទទំព្រង
- ប្រាសាទវត្តប្រើសមាស
Categories: រមណីយដ្ឋាន, រឿងរ៉ាវអំពីខែត្រកំពង់ចាម, សៀវភៅ
ពាក្យគន្លឹះ៖ កម្ពុជសូរិយា, បដិមា, ប្រាសាទ, ភ្នំត្រប់, វត្តប្រើសមាស
2 មតិ
ភ្នំត្រប់
Categories: រមណីយដ្ឋាន, រឿងរ៉ាវអំពីខែត្រកំពង់ចាម
ពាក្យគន្លឹះ៖ ប្រាសាទ, ភ្នំត្រប់, ភ្នំទ្រព្យ, វត្តប្រើសមាស, ឥដ្ឋ
2 មតិ
ប្រាសាទវត្តប្រើសមាស
ប្រាសាទវត្តប្រើសមាស មានទីតាំងស្ថិតនៅលើកំពូល ភ្នំត្រប់ (មាន ៧ កំពូល) ក្នុងភូមិតាព្រង ឃុំត្រប់ ស្រុកបាធាយ ខែត្រកំពង់ចាម ។ នៅជើងភ្នំមាន អារាមពុទ្ធសាសនាមួយហៅថាវត្តប្រើសមាស, ដូច្នេះឈ្មោះប្រាសាទ គឺយកតាមឈ្មោះវត្តនៅនឹងជើងភ្នំនោះឯង ។ ក្រុមប្រាសាទដែលមានប៉មចំនួន ៤ រាងបួនជ្រុងស្មើ សង់លើខឿនរួមមួយ ធ្វើពីថ្មបាយក្រៀមរត់ជួរ ជើង-ត្បូង បែរមុខទៅកើត ។ ប៉ម ៣ ធ្វើពីឥដ្ឋ មានស៊ុមទ្វាធ្វើពីថ្មភក់ និងមានទ្វារបញ្ឆោតនៅមុខ ៣ ផ្សេងទៀត ។ ប៉មមួយទៀតមានតែគ្រឹះ ។ ពីខាងជើងទៅត្បូងមាន ៖
- បដិមាភេទប្រុសមានដៃ ៤ ឆ្លាក់ក្នុងអង្កែ(1) មួយ ។
- បដិមាភេទប្រុសមួយមានដៃ ៤ និងបដិមាភេទស្រី ២ ។
- បដិមាភេទប្រុសមួយមានដៃ ៨ និងបដិមាភេទស្រី ២ ។
នៅបរិវេណខាងលើក៏ដូចជាជុំវិញភ្នំមានសេសសល់ស្លាកស្នាមប្រាសាទបុរាណជាច្រើនដែលបាក់បែកអស់ស្ទើររកមើលមិនយល់ ដូចជា ៖
- នៅលើកំពូលភ្នំ ៖ ប្រាសាទស្រះត្រប់ (A), ភ្នំត្រប់ (C), ភ្នំកំណប់ ។
- នៅជុំវិញ (រាប់តាមទិសទ្រនិចនាឡិកា) ៖ ពោធិ៍ប្រាសាទ, គោកភូមិបាប្រុស, ទួល, ទួលប្រាសាទ, ទួលយាយទេព, ទួលខ្ពស់, និងទួលក្អែក ។
- ភ្នំចន្លោះ (រាប់តាមទិសទ្រនិចនាឡិកា) ៖ ព្រះបួនមុខ, ទួលពោធិ៍ហ៊ី, និងភ្នំចុងតាពាន ។ (CISARK : 14-Dec-2009)
-
- ប្រាង្គ ៣ នៅសល់
-
- ទ្វាបញ្ឆោត
-
- បំណែកបដិមា និងយោនី នៅលើគ្រឹះប្រាង្គទី ៤
-
- ក្បាច់ផ្ដែរនៅគង់ល្អ
-
- ក្បាច់ផ្ដែររលុប
-
- ក្បាច់ផ្ដែរជ្រុះធ្លាក់នៅលើដី
-
- ចម្លាក់ឥដ្ឋផុសនៅជញ្ជាំងប្រាសាទ
-
- ចម្លាក់ឥដ្ឋផុសនៅជញ្ជាំងប្រាសាទ
-
- ចម្លាក់ឥដ្ឋផុសនៅជញ្ជាំងប្រាសាទ
-
- សសរពេជ្រ
-
- ជាកន្លែងបន់ស្រន់ដែលអ្នកភូមិនៅតែមានជំនឿ
-
- ភ្នំពិសិដ្ឋទាំង ៧
យើងងាកមកមើលចំណុចគួរឲ្យចាប់អារម្មណ៍មួយ ដែលមិនទាន់ទទួលការដឹងឮច្រើននៅឡើយ ។ ចម្លាក់នៅនឹងជញ្ជាំងខាងក្នុងនៃ ប្រាសាទវត្តប្រើសមាស នេះ ប្រើវិធីឆ្លាក់តែមួយដូចគ្នាទៅនឹងចម្លាក់នៅនឹងជញ្ជាំងខាងក្នុងនៃ ប្រាសាទក្រវាន់ នៅឯ ខែត្រសៀមរាប ថ្វីបើទឹកដៃចម្លាក់មិនល្អវិសេសដូចចម្លាក់នៅ ប្រាសាទក្រវាន់ យ៉ាងណាក្ដី ។ ដូច្នេះ យើងអាចសន្និដ្ឋានបានថា ប្រាសាទវត្តប្រើសមាស នេះត្រូវបានកសាងនៅកំឡុងពេលជាមួយ ប្រាសាទក្រវាន់ ក្នុងរវាងអន្តរកាល រចនាបថបាខែង-កោះកេរ្តិ៍ ។ ម៉្យាងវិញទៀត យើងក៏អាចបដិសេធការលើកឡើងរបស់អ្នកប្រាជ្ញបារាំង លោក Claude Jaques ដែលបានសរសេរក្នុងសៀវភៅ Ancient Angkor(2) ថា ៖ […]The five brick sanctuaries of Prasat Kravan are not, at first glance, very prepossessing. However, they contain very fine interior brick bas-reliefs, the only known exemple of their type in Khmer art. […] ដែលយើងអាចបកប្រែមកថា ៖ «ប្រាង្គទាំង ៥ នៃប្រាសាទក្រវាន់ បើមើលតែបន្តិច ហាក់មិនមានអ្វីគួរឲ្យទាក់ទាញនោះទេ ។ ក៏ប៉ុន្តែ ប្រាសាទនេះមានក្បាច់ចម្លាក់ខាងក្នុងពីឥដ្ឋយ៉ាងល្អវិចិត្រ, ដែលជាទម្រង់តែមួយគត់ដែលគេស្គាល់នៅក្នុងសិល្បៈខ្មែរ » ។ បញ្ហានេះ គឺប្រហែលដោយសារ លោក Claude Jacques គាត់មិនបានស្គាល់ ប្រាសាទវត្តប្រើសមាស ។
***
អានបន្ថែម ៖
- អង្កែ (អង់-កែ) ៖ លុងក្នុងជញ្ជាំង, ភាសាអង់គ្លេសហៅថា niche ។
- Freeman, M. and Jacques, C. (2003) Ancient Angkor. Bangkok: River Books Ltd, (p. 152)
- បណ្ដាញព័ត៌មានវប្បធម៌ខ្មែរ ៖ ភ្នំត្រប់
- បណ្ដាញព័ត៌មានវប្បធម៌ខ្មែរ ៖ លំអឆ្លាក់លើឥដ្ឋនៅសម័យបុរាណ
- ប្រាសាទតាព្រង (ឯកសារពី CEN)
- តាម៉ាប់ & យាយម៉ាប់ ៖ ប្រៀបធៀបចម្លាក់ជញ្ជាំងនៅប្រាសាទនាងខ្មៅ និងប្រាសាទក្រវាន់
- តាម៉ាប់ & យាយម៉ាប់ ៖ ប្រាសាទក្រវាន់
- តាម៉ាប់ & យាយម៉ាប់ ៖ ប្រាសាទនាងខ្មៅ
តាម៉ាប់ និង យាយម៉ាប់
នៅទីនេះ
កំពង់ចាម កំពង់ចិត្ត 