ខ្ញុំសូមជូនឯកសារ គោរមងារខ្ញុំរាជការខែត្រកំពង់ចាមក្នុងផែនដីព្រះខត្តិយកោដ្ឋ (ព្រះមុនីវង្ស) តាមសេចក្ដីសៀវភៅ សាវតារទាក់ទងភូមិសាស្ត្រខ្មែរ របស់ លោក ឌឹក.គាម ដែលបោះពុម្ពនៅឆ្នាំ ១៩៦៨ មានដូចខាងក្រោមដោយចម្លងទាំងស្រុងតាមច្បាប់ដើមដូចតទៅ ៖
សាលាខេត្ត | |
---|---|
ចៅហ្វាយខេត្ត | ឧកញ៉ាមន្ត្រីភក្ដីពិជ័យរដ្ឋាមហាបញ្ចកឧត្ដមក្រុមពាហុ |
ភូឈួយខេត្តទី ១ | ឬទ្ធីរង្គភក្ដី |
ភូឈួយខេត្តទី ២ | ភក្ដីឬទ្ធីរង្គ |
បាឡាត់ខេត្ត | រាជាភក្តី |
ចៅហ្វាយស្រុក | បាឡាត់ស្រុក | |
---|---|---|
ស្រុកកំពង់សៀម | ពិជ័យរដ្ឋា | ភក្ដីមន្ត្រី |
ស្រុកព្រៃឈរ | វល្លិ៍វ័នភក្ដី | |
ស្រុកជើងព្រៃ | ពេជ្រតេជោ | សេនាតេជោ |
ស្រុកកោះសូទិន | ធិបិនមន្ត្រី | សុទិនមន្ត្រី |
ស្រុកត្បូងឃ្មុំ | អរជូន | ពិភ័ក្ដិអរជូន |
ស្រុកក្រូចឆ្មារ | ភក្ដីអរជូន | |
ស្រុកមេមត់ | អារញ្ញិកអរជូន | |
ស្រុកស្ទឹងត្រង់ | រាជាជោ | |
ស្រុកស្រីសន្ធរ | បវរសង្គ្រាម | |
ស្រុកកងមាស | ពិភ័ក្ដិមន្ត្រី |
តំបន់ចំការលើ | តំបន់ទួលត្រាច | |
ចៅតំបន់ | ពិភ័ក្ដិអារញ្ញិក | រដ្ឋវ័នពិភ័ក្ដិ |
*****
តាមឯកសារខាងលើ យើងឃើញមាន ទីរួមខេត្ត ១ ស្រុក ១០ និង តំបន់ ២ សរុប ១៣ ដូច្នេះឃើញថា ស្រុកតំបែ ស្រុកពញាក្រែក ស្រុកបាធាយ និង ស្រុកអូរាំងឪ ទើបនឹងត្រូវបានបង្កើតក្រោយមកទៀតទេ (ប្រហែលជាក្នុងសម័យសង្គមរាស្ត្រនិយម) ។ ក្នុងនោះដែរ តំបនចំការលើ បានក្លាយមកជា ស្រុកចំការលើ ឯ តំបន់ទួលត្រាច តាមការស្មានបានក្លាយជា ភូមិទួលត្រាច ឃុំទ្រាន ស្រុកកំពង់សៀម ។
ពាក្យ ភូឈួយ សព្វថ្ងៃនេះ មិនឃើញមាននិយមប្រើទៀតទេ ឯគោរមងារ ភូឈួយខេត្ត នេះស្មើនិង អភិបាលខេត្តរង ។
ពាក្យ បាឡាត់ សព្វថ្ងៃនេះ មិនឃើញមាននិយមប្រើទៀតទេ ឯគោរមងារ បាឡាត់ នេះស្មើនិងពាក្យ រង ដែរ តែទាបជាង ភូឈួយ ។